សាលាភូមិន្ទសារការី

សាលាភូមិន្ទសារការីនៃរាជបណ្ឌិតសភាវិជ្ជាជីវៈតុលាការ ត្រូវបានបង្កើតឡើងតាមអនុក្រឹត្យ លេខ​ ១១៧ អនក្រ បក ចុះថ្ងៃទី ១៨ ខែ​ សីហា ឆ្នាំ ២០០៨ ដែលមានបេសកកម្មធ្វើការបណ្តុះបណ្តាល​វិជ្ជាជីវៈដំបូង និងបណ្តុះបណ្តាលបន្ត សម្រាប់សារការី។

សិស្សសារការីរបស់សាលាភូមិន្ទសារការីនៃរាជបណ្ឌិតសភាវិជ្ជាជីវៈតុលាការ ត្រូវឆ្លងកាត់ការបណ្តុះបណ្តាល​រយៈពេល ៣០ខែ ហើយចែកចេញជាពីរដំណាក់កាល​ :

• ដំណាក់កាលធ្វើសិក្ខាគារិកភាព មានរយៈពេល ១២ខែ
• ដំណាក់កាលធ្វើកម្មសិក្សា មានរយៈពេល ១៨ខែ

បែបបទ និងលក្ខខណ្ឌនៃការប្រឡងប្រជែងជ្រើសរើសសិស្សសារការី :

• បេក្ខជនទាំងពីរភេទត្រូវមានសញ្ជាតិខ្មែរ។ ចំពោះ បេក្ខជនជានិស្សិត ត្រូវមានអាយុមិនលើស ពី​ ៣៥ឆ្នាំ រីឯបេក្ខជនជាមន្រ្តីរាជការ ត្រូវមានអាយុមិនលើសពី ៤០ឆ្នាំ គិតមកត្រឹមថ្ងៃប្រឡង
• ត្រូវមានសញ្ញាបត្របរិញ្ញាបត្រនីតិសាស្រ្តឡើងទៅ
• ត្រូវមានលិខិតថ្កោលទោសបញ្ជាក់ថា មិនធ្លាប់ជាប់ទោសពីបទមជ្ឈឹម ឬបទឧក្រិដ្ឋ
• ត្រូវមានកាយសម្បទាគ្រប់គ្រាន់។

ពត៌មានបន្ថែមសូមអាន សលាកបត្រ័ពត៌មាន