សាលាភូមិន្ទចៅក្រម

ដោយមានការគាំទ្រពី គម្រោងទ្រទ្រង់នីតិរដ្ឋរបស់បារាំង សាលាភូមិន្ទចៅក្រមត្រូវបានបង្កើតទ្បើងដោយអនុក្រឹត្យ លេខ ៩ ចុះថ្ងៃទី០៥ ខែកុម្ភៈ ឆ្នាំ២០០២ ហើយបាន ដំណើរការសកម្មភាពរបស់ខ្លួនរហូតដល់ឆ្នាំ ២០០៥ និងត្រូវបាន បញ្ចូលជាអង្គភាព មួយ របស់រាជបណ្ឌិតសភាវិជ្ជាជីវៈតុលាការ ដោយព្រះរាជក្រឹត្យលេខ នស/រកត/០១០៥/០១៩ ចុះថ្ងៃ ទី ២១ ខែមករា ឆ្នាំ២០០៥ ។

សាលាភូមិន្ទចៅក្រមមានបេសកកម្មរៀបចំធ្វើការបណ្តុះបណ្តាលវិជ្ជាជីវៈដំបូងដល់សិស្សចៅក្រម និងធ្វើការបណ្តុះបណ្តាលបន្តសម្រាប់ចៅក្រមដែលកំពុងបំពេញការិយកម្មតាមសាលាជំរះក្តីនានាផងដែរ ។

សិស្សសាលាភូមិន្ទចៅក្រមមានផែនការបណ្តុះបណ្តាលជាបីដំណាក់កាល មានរយៈពេល ២៤ ខែ ៖

ដំណាក់កាលធ្វើសិក្ខាគារិកភាពមានរយៈពេល ៨ ខែ ។
ដំណាក់កាលកម្មសិក្សា នៅតាមសាលាជំរះក្តីនានា មានរយៈពេល ១២ ខែ ។
ដំណាក់កាលធ្វើឯកទេសកម្ម រយៈពេល ៤ ខែ ។

ដើម្បីប្រឡងចូលសាលាភូមិន្ទចៅក្រមបាន ៖

បេក្ខជនទាំងពីរភេទជានិស្សិត ត្រូវមានអាយុយ៉ាងច្រើនបំផុតត្រឹម ៣០ ឆ្នាំ គិតមកដល់ថ្ងៃប្រឡង ហើយត្រូវមានសញ្ញា ប័ត្របរិញ្ញាប័ត្រនីតិសាស្ត្រ ។ ចំពោះបេក្ខជនជានិស្សិត ដែលមានបរិញ្ញាប័ត្រជាន់ខ្ពស់ផ្នែកនីតិសាស្ត្រ ការកំណត់អាយុយ៉ាងច្រើន បំផុ់តត្រឹម ៣៥ ឆ្នាំ គិតមកដល់ថ្ងៃប្រឡង ។
បេក្ខជនទាំងពីរភេទជាមន្ត្រីរាជការ ត្រូវមានអាយុយ៉ាងច្រើនបំផុតត្រឹម ៣៨ ឆ្នាំ គិតមកដល់ថ្ងៃប្រឡង ហើយ ត្រូវមាន សញ្ញាប័ត្របរិញ្ញាប័ត្រនីតិសាស្ត្រ ។ ចំពោះបេក្ខជនជាមន្ត្រីរាជការ ដែលមានអតីតភាពក្នុងការងារ ចាប់ពី ៥ឆ្នាំឡើងទៅនឹងត្រូវ ទទួលពិន្ទុបន្ថែម ៥% (ប្រាំភាគរយ) លើពិន្ទុសរុបនៃវិញ្ញាសាសរសេរ ។
ត្រូវមានលិខិតថ្កោលទោសចេញដោយក្រសួងយុត្តិធម៌ ។ (ចំពោះបេក្ខជនជាមន្ត្រីរាជការពុំចាំបាច់ឡើយ)
ត្រូវមានលិខិតបញ្ជាក់សុខភាព ចេញដោយនាយកដ្ឋានពេទ្យការងារ ។

ពត៌មានបន្ថែមសូមអាន សលាកបត្រ័ពត៌មាន