សាលាភូមិន្ទអាជ្ញាសាលា

សាលាភូមិន្ទអាជ្ញាសាលានៃរាជបណ្ឌិតសភាវិជ្ជាជីវៈតុលាការ ត្រូវបានបង្កើតឡើងតាមអនុក្រឹត្យលេខ ១១៦ អនក្រ បក ចុះថ្ងៃទី ១៨ ខែ សីហា ឆ្នាំ ២០០៨ ដែលមានបេសកកម្មធ្វើការបណ្តុះ បណ្តាលវិជ្ជាជីវៈដំបូង និងបណ្តុះបណ្តាលបន្តសម្រាប់អាជ្ញាសាលា។

សិស្សអាជ្ញាសាលារបស់សាលាភូមិន្ទអាជ្ញាសាលានៃរាជបណ្ឌិតសភាវិជ្ជាជីវៈតុលាការ ត្រូវឆ្លងកាត់ការ​បណ្តុះ​បណ្តាល​រយៈពេល ១២ខែ ហើយចែកចេញជាបី ដំណាក់កាល :

• ដំណាក់កាលធ្វើសិក្ខាគារិកភាព មានរយៈពេល ០៥ខែ
• ដំណាក់កាលកម្មសិក្សានៅតាមសាលាជម្រះក្តីនានា មានរយៈពេល ០៥ខែ
• ដំណាក់កាលត្រៀម និងប្រឡងចេញ មានរយៈពេល ០២ខែ

បែបបទ និងលក្ខខណ្ឌនៃការប្រឡងប្រជែងជ្រើសរើសសិស្សអាជ្ញាសាលា :

• បេក្ខជនទាំងពីរភេទត្រូវមានសញ្ជាតិខ្មែរ។ ចំពោះ បេក្ខជនជានិស្សិត ត្រូវមានអាយុមិនលើស ពី​ ៣៥ឆ្នាំ រីឯបេក្ខជនជាមន្រ្តីរាជការ ត្រូវមានអាយុមិនលើសពី ៤០ឆ្នាំ គិតមកត្រឹមថ្ងៃប្រឡង
• ត្រូវមានសញ្ញាបត្របរិញ្ញាបត្រនីតិសាស្រ្តឡើងទៅ
• ត្រូវមានលិខិតថ្កោលទោសបញ្ជាក់ថា មិនធ្លាប់ជាប់ទោសពីបទមជ្ឈឹម ឬបទឧក្រិដ្ឋ
• ត្រូវមានកាយសម្បទាគ្រប់គ្រាន់។

ពត៌មានបន្ថែមសូមអាន សលាកបត្រ័ពត៌មាន