សលាកបត្រ័ពត៌មាន

ការប្រឡងចូលសាលាភូមិន្ទចៅក្រម​ ៖

វិញ្ញាសាសរសេរ ៖

• សំណេរលើប្រធានបទវប្បធម៌ទូទៅ (មេគុណ ២) រយៈពេល ៤ ម៉ោង
• សំណេរលើប្រធានបទនីតិរដ្ឋប្បវេណី (មេគុណ ២) រយៈពេល ៤ ម៉ោង
• សំណេរលើប្រធានបទនីតិព្រហ្មទណ្ឌ (មេគុណ ២) រយៈពេល ៤ ម៉ោង

វិញ្ញាសាសួរផ្ទាល់មាត់ ៖

• ការសួរផ្ទាល់មាត់ (មេគុណ ២) សំណួរមានលក្ខណៈទូទៅពាក់ព័ន្ធនឹងសិទ្ធិមនុស្ស ទស្សនាទានអំពីនីតិរដ្ឋ និង យុត្តិធម៌ គោលការណ៍ទូទៅនៃច្បាប់និងយុត្តិធម៌ ដែលសំដៅវាយតម្លៃសមត្ថភាពបេក្ខជន ក្នុងការបំពេញ មុខងារជាចៅក្រម ។
• សំណួរបច្ចេកទេសផ្ទាល់មាត់ (មេគុណ ២) លើប្រធានបទអំពីនីតិការងារ នីតិពាណិជ្ជកម្ម នីតិរដ្ឋធម្មនុញ្ញ ឬ នីតិរដ្ឋបាល ដោយអាស្រ័យទៅលើលទ្ធផលនៃការចាប់ឆ្នោត។
• វិញ្ញាសាភាសា (មេគុណ ១) បេក្ខជនមិនអនុញ្ញាតិឱ្យប្រឡងលើពីបីដងឡើយ ។

ក្រៅពីធ្វើការបណ្តុះបណ្តាល វិជ្ជាជីវៈដំបូងដល់ សិស្សចៅក្រម សាលាភូមិន្ទិចៅក្រម ធ្វើការបណ្តុះបណ្តាល បន្ត​សម្រាប់ ចៅក្រម កំពុងបំពេញ​ការិយកម្មនូវ​ច្បាប់ថ្មីៗផងដែរ ។  ចៅក្រមទូទាំងប្រទេស បានមកទទួលការ បណ្តុះបណ្តាល​បន្តលើការអនុវត្តន៍ ក្រមនីតិវិធីព្រហ្មទណ្ឌ រយៈពេលពីរថ្ងៃកន្លះ ពីសាលាភូមិន្ទចៅក្រម ។

សាលាភូមិន្ទចៅក្រម មានកម្មវិធីបណ្តុះបណ្តាល គ្រូបង្គោលផ្នែកព្រហ្មទណ្ឌ យើងបានរៀបចំ បណ្តុះ​បណ្តាល​គ្រូបង្គោលបន្ថែម ចំនួន ០៥ នាក់ ដោយជ្រើសរើសចេញ ពីសិស្សចៅក្រមជំនាន់ទី ១ ។  សិស្សចៅក្រម​ត្រូវធ្វើ​សម្បថ បន្ទាប់ពី បញ្ចប់ដំណាក់កាល សិក្ខាគារិកភាព មុនពេលចុះបំពេញ កម្មសិក្សាតាមសាលា ជំរះក្តីនានា ។

ក្នុងកំឡុងពេលដ៏ខ្លីខាងមុខនេះ សាលាភូមិន្ទចៅក្រម នឹងរៀបចំបណ្តុះបណ្តាល​ចៅក្រម​លើជំនាញ​ពាណិជ្ជកម្ម​ចំនួន ១៥នាក់ ហើយអនាគត​សាលាភូមិន្ទចៅក្រម​នឹងរៀបចំបណ្តុះបណ្តាល លើជំនាញផ្សេងៗ ទៀតដូចជា រដ្ឋបាល កុមារ ការងារជាដើម ។